شرح اليوتيوب الجزء الاول :
مبدئيا يا جماعه الشرح بتاع النهاردة هيبقى مجرد مقدمة تفهم فيها اليوتيوب كله ، و من بكرة ان شاء الله هنزل درس كامل عشان تبدأ ..
اول حاجه هو انا ممكن اكسب من يوتيوب ؟
الاجابة اه ممكن
- ايه فكرة الربح من اليوتيوب ؟
دايما انت لما تفتح اى فيديو بتلاقى اعلانات تظهر الاول لمدة 5 ثوانى و بعدها تعمل Skip , و اعلانات بتظهر زى بانر ف الفيديو و هو شغال ، و اعلانات بتظهى على الموقع نفسه جمب الفيديو ..
هى دى الطريقه اللى الناس بتكسب منها ، الاعلانات !!
طب هو اى حد يحط اعلانات ؟ و ازاى احطها ؟
طيب هو انت عشان تحط اعلان عندك لشركة فودافون مثلا و اعلان لشركة جوميا و اعلان لشركة مصر للطيران ، هل انت مطالب تروح لكل شركة منهم تقولهم انا عايز اركب الاعلان بتاعكم على الفيديو بتاعى و اخد فلوس ؟؟
الكلام ده مبيحصلش و الحكاية اسهل من كدة بكتير ، عارفين جوجل صح ؟
عندها شركه اعلانات اسمها ادموب Admobb دى وظيفتها انها وسيط اعلانى لفودافون و الشركات اللى ذكرتها فوق ، يعنى كل الشركات بتروح على ادموب تقولهم عايزين نعمل اعلانات عندكم ..
و الناحية التانيه بقى جوجل عندها شركة اسمها ادسنس Adsensee دى وظيفتها عرض الاعلانات اللى بتيجى لأدموب .
ابسطهالك .. انت هل وظيفتك انك تعرض اعلانات ولا تعمل اعلانات ؟ Publisher or Advertiser
انت هنا وظيفتك تعرض الاعلانات انما فودافون بتعمل اعلانات ..
يعنى انت هتعرض الاعلان اللى اتعمل على ادموب ، و هنا جوجل بتفصل بين المعلن و الناشر ( انت اسمك ناشر ) و كل واحد فيكم ليه شركه ..
يبقى انت دلوقتى اسمك ناشر و مطلوب منك حساب جوجل ادسنس ..
طيب انا هاجى ارفع اى فيديو كدة و خلاص ؟
لا طبعا عشان ترفع فيديوهات لازم يبقى معاك قناة على يوتيوب ( حساب يعنى ) و عشان تعمل قناة على يوتيوب محتاج اكونت Gmail ..
طيب انا دلوقتى معايا قناة على يوتيوب و معايا حساب ادسنس ، ارفع بقى اى فيديو و اكسب ؟
لا ياعم مفيش الكلام ده ، ف بعض الشروط لازم تتبعها زى مثلا حقوق الملكية بتاعت الفيديو يعنى لازم الفيديو يبقى حصرى ( بتاعك - انت اللى مصوره ) و الحكاية دى متخافوش منها هشرحها بكرة بالتفصيل ..
طيب عملت الفيديو و رفعته على القناة ، هكسب ازاى ؟
المكسب ياسيدى بيكون من الضغط على الاعلانات اللى ظهرت ، يعنى مثلا نفترض ان الفيديو بتاعك جاب ١٠٠٠ مشاهدة و اعلانك ظهر ٥٠٠ مرة ، هنا بقى اليوتيوب و ادسنس بيحسبوا كام واحد ضغط على الاعلان بتاعك و كل اعلان ليه سعر ( مش محدد و مش ثابت ) ..
و طبعا متنساش المحتوى ، يعنى لو انا عامل فيديو عربى مصرى حقير يبقى اكيد الاعلانات اللى هتظهر هتبقى رخيصة و حقيرة ، انما لو فيديو اجنبى يبقى اكيد هتظهر عليه اعلانات اجنبية غاليه و مكسبها اضعاف اضعاف العربى ..
كفاية لحد هنا و بكرة هنزل شرح بالصور للكلام اللى اتكتب فوق ده و الحكاية كلها مش هتاخد نص ساعه و هيبقى معاك قناة جاهزة مربوطة بحساب ادسنس ..
انتظرونا 
^_^
^_^
خارج الموضوع تحويل الاكوادإخفاء الابتساماتإخفاء