السلام عليكم و رحمة الله
امبارح اتكلمت على الجروب عن حاجة اسمها مينى جوبز Mini Jobs
و قولت انها عبارة عن مهمات صغيرة جدا انت بتعملها بمقابل مادى صغير بردو
دلوقتى هشرح كل حاجة بالتفصيل و بالصور ومعلش استحملونى لأن الموضوع هيكون طويل شوية ..
ممنوع استخدام الموبايل و دى من شروط الموقع يعنى الخطوات دى تعملها من كمبيوتر او من لاب فقط **
المواقع دى للأسف ليك فيها محاولة واحده فقط ومش مسموحلك تعمل اكتر من اكونت يعنى لو مش هتقدر تشتغل عليها من دلوقتى اقفل الشرح ولما تبقى جاهز ارجعله تانى **
يعنى ايه Mini Jobs ؟ :
المينى جوبز دى عبارة عن خدمات مصغرة غالبا مش بتحتاج خبرة سابقة فى اى مجال ولا مهارة عشان تعملها ..
طب زى ايه ؟
زى مثلا هيطلب منك تبحث على جوجل على موقع شركة معينة و تجيب بيانات الشركة دى ..
او هيطلب منك رقم تليفون او عنوان لشركة معينة بردو من خلال جوجل
او مثلا هيديك اسم واحد ويقولك شوفلى ده شغال ايه على موقع لينكدان
او مثلا هيقولك شوف التويتة دى و قولى هى ايجابية ولا سلبية ؟
او مثلا تقييم للمنتجات من حيث اللون او الشكل او كده ..
تمام كده
دى بعض الانواع من الخدمات ومش كلها وتقريبا زى ما قولت مش محتاجه مهارة ولا خبرة سابقة عشان تعملها ..
ندخل بقى فى الموضوع ..
تبدأ ازاى ؟
اول حاجة الشركة اللى هنشتغل عليها اسمها Crowdflower
و دى اكبر شركة مينى جوبز موجوده حاليا و فيها خدمات كتير جدااا
التسجيل فى الشركة سهل جدا ومش هياخد من وقتك 3 دقايق
اول حاجه هتدخل على الموقع من هنا :
بكل بساطة هتعمل تسجيل دخول بالفيس عشان تريح دماغك .. ولو فيه مشكلة فى التسجيل عن طريق الفيس
هتعمل اكونت جديد من هنا
الطريقتين شغالين و تقدر تسجل بأى طريقة منهم بس الافضل انك تسجل بالفيس زى الطريقة الاولى .
بس خلى بالك عشان مسموحلك تعمل اكونت واحد بس يعنى متعملش حساب تانى .
طيب تمام كده انت بقى معاك حساب على الموقع , ندخل على الخطوة التانيه ..
الموقع اللى سجلنا فيه ده عشان يشتغل لازم تربطه بمنصة عشان يعرضلك عليها الشغل .. ايه الكلام الكبير ده !!
بص يا سيدى الموقع ده مش بيشتغل لوحده لازم تربطه بموقع تانى عشان تبدأ تشتغل ..
وهنا بقى هيجيى دور شركة نيوبكس
و دى شركة اعلانات معروفه جدا بس احنا ملناش دعوة بالاعلانات و الكلام ده ..
احنا كل اللى هنعمله اننا هنسجل فيها و نربط الاكونت بتاعنا بأكونت الشركة الاولى عشان يظهرلنا الشغل ..
ماتيجى نشوف ؟
اول حاجه هتروح للتسجيل فى الموقع من هنا :
هتضغط على كلمة Register
هيفتحلك صفحة التسجيل بالشكل ده :
فى خانة ايميل الباى بال و السكريل و الحاجات دى اكتب نفس الايميل بتاعك عادى وهقولك ليه فى اخر الدرس
هيبعتلك كود على الايميل بتاعك هتاخد كوبى وتدخله هنا
مبرووك كده الاكونت جاهز
هتعمل بقى تسجيل دخول
نقف بقى هنا ..
كده انت معاك اكونت على كراوردفلاور ومعاك اكونت على نيوبكس
اربطهم ببعض ازاى ؟
فى اقل من 10 ثوانى هتفتح النيوبكس زى مانت
بص فوق هتلاقى كلمه offer
لقيتها ؟ دوس عليها هيظهرلك 3 حاجات
هتضغط على التالته اللى هى mini jobs
الصفحة دى بقى هتعرضلك الخدمات المتاحه حاليا وهتبقى بالشكل ده
دى صفحة الشغل بقى .. بس ثانيه واحده
احتمال لما تيجى تفتحها يطلب منك تعمل تسجيل دخول بأكونت الكراود فلاور بتاعك
بكل بساطة هتعمل تسجيل دخول بالفيس وهيفتحلك صفحة الخدمات اللى قدامكم دى ..
كده انت سجلت ف كراود فلاور و سجلت فى نيو بكس و عملت ربط للحسابين مع بعض .. تعالوا بقى نفهم الشغل بيكون ازاى ؟
هنتعرف الاول على القائمة دى
ID : سيريال بيميز أي مهمه ، وبنستخدم لما نعمل شكاوي
Job Title : اسم المهمه
Requirements : ودي المتطلبات المهم زي مثلا المستوي
Reward : المقابل
Tasks : عدد المهام ف المهمه
Satisfaction : مدي رضا مؤديين المهمه بالمهمه
طبعا ده معنى كل كلمة فى القائمة بالترتيب من الشمال لليمين
ده عشان تفهم بس مش اكتر ..
لما تيجى تعمل مهمة بقى بيحصل ايه ؟؟
بص يا سيدى انت الموقع فيه 4 مستويات وكل مستوى بيكون ليه خدمات مختلفة ..
يعنى انت بتنزل مستوى 0 و ده بيكون ليه خدمه او اتنين بالكتير و احتمال كبير جدا متلاقيش خدمات .. عشان كده انا قولت الصبر ثم الصبر فى البداية
و بعد كده مستوى 1 وده احلى مستوى ف الخدمات من حيث العدد و السهولة و السعر
بعد كده مستوى 2 و 3 مهمات اكتر و ممكن اصعب شوية ..
طيب اوصل للمستويات دى ازاى ؟
انت حاليا نزلت مستوى 0 تمام كده ..
لما بتظهر مهمة ليك وتضغط عليها هيفتحلك صفحة المهمة و مكتوب من فوق
quiz mode
زى كده بالظبط
ركز فى الصورة كويس احنا كده ف بداية الشغل تمام ..
مكتوب من فوق ع الشمال كويز مود , دى معناها ان الراجل هيعملك اختبار لو نجحت فيه هتبقى مؤهل انك تعمل المهمة دى ولو منجحتش فيه هيتم طردك من المهمة ..
مكتوب جمب كلمة كويز مود انك لازم تحل 7 اسئلة من ال 10 الموجودين صح عشان تبقى نجحت وتعمل المهمة ..
تحتها هتلاقى الانترودكشن و دى التعليمات اللى بيقدمها صاحب الخدمة ليك عشان تعرف تعمل المهمة دى ..
هنا بيقولك انا مثلا هقدملك كذا و كذا وكذا وانت عليك تقدملى كذا او تجاوب على الاسئلة دى ..
وبيديك امثله محلولة و بعدين بيقولك اهو 10اسئلة قدامك يلا ابدأ حل
بتحلهم زى ما فهمت من التعليمات و الامثلة و بعدين تدوس submit من تحت
انت حاليا فى الكويز مود يعنى لسه متقبلتش ف المهمة ..
لما تدوس submit هنا بقى السيستم طبعا عارف الاجابات الصحيحة هيطابق الاجابات بتاعتك بالاجابات الصحيحه و هيشوف انت حليت كام مسألة صح من ال 10
و بناء عليه لو حليت 7 اسئلة صح او اكتر زى ماهو طالب هيحولك على
work mode
و هنا بيقولك انت نجحت ف الاختبار و بدأت الشغل خلاص ..
قبل ما تضغط على المهمة فوق بيقولك المهمة دى فيها مثلا 20 task
يعنى ايه الكلام ده ؟
شوفت انت الكويز مود لما عملته طلب منك تحل مثلا 7 من 10 او يمكن يطلب منك 4من 5
دى كده تاسك واحده .. يعنى كل صفحة فى المهمة دى بيكون فيها مثلا 5 اسئلة او 10
على حسب المهمة طبعا ..
وكل صفحة بتعبر عن task واحده ..وكل تاسك مثلا عليها 4 سنت
معنى كده انك لو نجحت ف الكويز مود هيحولك على وضع العمل و دى صفحة زى الكويز مود فيها اسئلة تجاوب عليها بردو و تعمل submit
بعد كده هيفتحلك صفحه تانيه فيها اسئلة تانيه لنفس المهمة بردو هتعملها وهتاخد ال 4 سنت
يعنى المهمة لو فيها 20 تاسك هتعملها كلها هتاخد 20 فى 4 يعنى 80 سنت
لو لسه مفهمتش النقطة دى هبقى اعمل فيديو اشرح فيه الشغل نفسه بس غالبا انت هتفهم كل ده لوحدك لأنها اسهل مما تتخيل وطالما بتعرف انجليزى و لو بنسبة صغيرة ومعاك جوجل ترجمة مفيش حاجه هتقف معاك ..
طيب لو محلتش 7 اسئلة صح ؟
يعنى لو حليت 5 بس او 5 بس هيحصل ايه ؟
كده هيحولك من الكويز مود الى وضع الطرد و ده معناه انك للأسف مش هينفع تعمل المهمة دى ..
طيب ايه الاستفاده من اسئلة الكويز مود وهى ليه مهمة اوى كده ؟
انت مثلا لو حليت 8 من ال 10 صح يبقى كده الموقع بيحسب حاجة اسمها
accuracy او الدقه
الدقه دى هى اللى بتخليك توصل لمستوى 1 او 2 او 3
وهى بردو اللى ممكن تنزلك من المستويات .. طب ازاى ؟
المستوي الأول : الإجابة على 100 سؤال اختبار على الأقل، بدقة 70% على الأقل، والعمل في 5 مهمات على الأقل
الثاني :الإجابة على 100 سؤال اختبار على الأقل، بدقة 80%، والعمل في 10 مهمات على الأقل
الثالث :الإجابة على 100 سؤال على الأقل، بدقة 85% على الأقل، والعمل في 10 مهمات على الأقل
طبعا الدقة بتتحسب على كل المهمات اللى عملتها بمعنى انك لو دخلت 3 مهمات كل مهمة فيها 10 اسئلة يبقى كده مجموعهم 30 سؤال
لو انت حليت منهم 20 سؤال بس يبقى انت كده هتقسم ال 20 على ال 30
هيطلع معاك 66% و دى هتبقى الدقه بتاعتك
و طبعا لازم تخلى بالك من الكويز مود كويس عشان تقدر ترفع الدقه وتترقى فى الموقع لمستوى اعلى من كده ..
ودي شويه نصايح ازاي تحافظ بيها علي مستواك :
1- لازم تفهم المهمه كويس جدا ، لو مفهمتهاش أوعي تعملها .
2-لو لقيت أسئله صعبه أو فيها غموض احفظها عندك عشان لو متأكد من أجابتك أنها صح تقدر تكلم الدعم وتعمل تظلم عليها .
3-لازم تكون متأكد من أغلبيه أجابتك
4-لو قربت دقتك من دقه الطرد .. سيب المهم أفضلك بس متتحاولش لوضيعه الطرد
5-لو لقيت في مهمه صور broken اقفل المهمه ومتعملهاش
طبعا انت بتنزل مستوى صفر ومطلوب منك تدخل كل شوية عشان تشوف فيه مهمات نزلت ولا لأ .. عشان كده الموقع عملك اضافة للمتصفح هتغنيك عن الدخول للموقع كل شوية
للتحميل أضغط هنا
دى طبعا مش محتاجه شرح هتفهمها لوحدك ..
يبقى انت ف الفترة الاولى مش هتجمع فلوس لأنك هتبقى مهتم انك تزود الدقه بتاعتك عشان توصل للمستوى اللى بعده لكن مش هتجمع فلوس ..
و المفاجأة بقى انه حاليا ف الموقع فيه خدمات كتير نزلت الصبح للمستوى صفر و التاسك الواحد ب 8 سنت يعنى هتزود الدقه بتاعتك و هتاخد فلوس بردو
بس اللى هيلحق يسجل و يبدأ شغل النهاردة ..
اخر حاجة عايز اقولكم على حاجة مهمة جدا عشان الموقع ميقفلش حسابك على نيو بكس ..
اول 3 ايام لازم تعمل الاعلانات الموجوده على نيو بكس و دى حاجة سهلة جدا عشان بس حسابك ميتقفلش
2 كيفية الظغط على الإعلانات
إظغط على advertisements view
إضغط على أحد الإعلانات
ثم إضغط على النقطة الحمراء
إنتضر تحميل الإعلان كاملا
تم إحتساب الضغطة + 1 نقطة
مع العلم ان نيوبكس بيديك هدية 15% زياده على اى مهمة هتعملها
يعنى لو كسبت دولار من اى مهمة الموقع هيديك 15 سنت هدية لأنك عضو فى نيو بكس ..
كده فاضل شرح سحب الارباح و دى سهلة جدا وهعملها بعدين وانزلها على الجروب ..
الحد الادنى للسحب هو 2 دولار و الفلوس بتوصل ف نفس الوقت
هشرحها بالتفصيل متخافوش ..
دلوقتى بقى اغلب الناس هيبقى عندها مشاكل فى المهمات و لو انت مفهمتش من الشرح ده ازاى تعمل المهمات افتح يوتيوب واكتب شرح مهمات كراودفلاور وهتفهم احسن من كده ..
و لو حد عنده اى مشكلة او استفسار يعمل كومنت وانا موجود ..
و الى لقاء فى درس اخر ^_^
خارج الموضوع تحويل الاكوادإخفاء الابتساماتإخفاء